MTV EXIT ដែលជាកម្មវិធីតន្ត្រីរៀបចំដោយទូរទស្សន៍អន្តរជាតិMTV ដែលមានយុទ្ធនាការបំបាត់ការជិះជាន់ និងការជួញដូរមនុស្ស
និងដែលធ្លាប់ប្រារព្ធធ្វើនៅទីក្រុងភ្នំពេញម្តងនៅឆ្នាំ2008 ហើយនោះ បានមកធ្វើនៅកន្លែងដដែលម្តងទៀតនៅថ្ងៃទី១៧ ខែធ្នូ ឆ្នាំ២០១១ថ្មីៗនេះ នៅស្តាតអូឡាំពិច ដោយមានការចូលរួមពីក្រុមតារាកូរ៉េ After School, ក្រុមអាមេរិច The Click Five, លោកព្រាប សុវិត្ថ ។ល។
អ្នកឧបត្ថម្ភកម្មវិធី។ ពីដំបូងខ្ញុំគ្រាន់តែឮCellcardភ្លាមក៏មានអារម្មណ៍មិនស្រួលភ្លាម ព្រោះដឹងស្រាប់ហើយពីកេរ្តិ៍ឈ្មោះរបស់ក្រុមហ៊ុននេះ :D។ ដំបូងគេថាឲ្យភ្ជាប់សេវា XG របស់ Cellcard ទើបបានសំបុត្រ VIP ដូច្នេះខ្ញុំក៏ភ្ជាប់តាមអស់$5 បានសំបុត្រ2។ អ្នកខ្លះបានដល់ទៅ4 ពិតជាលំអៀងមែន។ ក្នុង free នាទីឲ្យ 40mn, 75sms, 5mms, internet 100mb (តិចមែនទែនបើប្រៀបធៀបនឹងប្រព័ន្ធដទៃ តែដោយសារតែចង់បានសំបុត្រមើល The Click Five & After School :D)។
ហើយគេថាសំបុត្រ VIP នេះមានកន្លែងអង្គុយ និងបន្ទប់ទឹក VIP អីណាអីណី។ មានឯណា គ្រាន់តែពេលទៅដំបូងមនុស្សឡើងជាន់កគ្នា គ្មាន VIP គ្មានអីទេ
នរណាក៏ដូចនរណាដែរឈរបញ្ជ្រៀតគ្នាស្ទើរដាច់ខ្ចល់ដើម្បីបានទៅមុខ។ VIP បស់គេមែន។ ឯការរៀបចំមនុស្សក៏មិនដឹងក្បាលកន្ទុយគ្នា មានកន្លែងខ្លះតំរង់ជួរ ខ្លះលួចចូលតាមចំហៀង ខ្លះទៅបញ្ជ្រៀតឲ្យគេបោះត្រាលើដៃដើម្បីបានភេសជ្ជៈ Free មិនដឹងស្អីជាស្អី។ នៅដល់យប់បន្តិចនរណាក៏អាចចូលបានដែរមិនថាVIP ឬមិន VIP អីទេ សូម្បីតែអ្នកដាក់គ្រាប់បែកក៏លួចចូលមកដាក់បានដែរ :D។
ទោះជាយ៉ាងណាក៏ដោយក៏កម្មវិធីនៅមានការសប្យាយខ្លះដែរដោយមានការចូលរួមសម្តែងដោយតារាល្បីៗ។ ប៉ុន្តែនៅពេលដល់ After School សម្តែងឮថាមនុស្សនាំគ្នាបញ្ជ្រៀតកាន់តែខ្លាំងដើម្បីបានទៅមុខ រហូតដល់ជិតដូចកោះពេជ្រ ហើយមានអ្នកខ្លះសន្លប់ទៀតផង។ ពិតជាគួរក្តៅណាស់ជាមួយ Cellcard។
ដើម្បីចង់ដឹងថាមនុស្សផ្សេងៗគិតយ៉ាងណាពីCellcard នៅពេលនេះ សូមចូលទៅមើល Cellcard’s Facebook fan page
Cellcard ពិតជាបោកពិតមែនបើតាមហាជនយល់ឃើញ។ មិនតែប៉ុណ្ណោះថែមទាំងលួចយកconcert free ដែលមានតំលៃអប់រំ ក្នុងបំណងបំបាត់ការជួញដូរមនុស្សរបស់MTV ទៅធ្វើអាជីវកម្មលក់សំបុត្របោកប្រាស់់ស្រស់ៗថែមទៀតផង។ តើនៅពេលណាទៅក្រមហ៊ុនCellcardរលំ?!
UPDATE: នៅព្រឹកថ្ងៃទី១៩ខែធ្នូ Cellcard បានចេញមុខមកបកស្រាយនៅ Facebookថា «អរគុណចំពោះការផ្តលមតិ ការពិតយើងជាអ្នកឧបត្ថម្ភកម្មវិធី ប៉ុន្តែអ្នករៀបចំជាMTV នេះមកពីការខ្វះបទពិសោធរបស់MTV EXITនៅទីនេះ និងមកពីប្រជាជនយើងមិនគោរពវិន័យផងដែរ។ យើងសង្ឃឹមថាពួកគេនឹងយកបទពិសោធន៍នេះទៅធ្វើឲ្យអ្វីៗប្រសើរឡើងនៅពេលក្រោយ »
ពុទ្ធោមកពីកំហុសខ្លួនឯងដែលដើរបោកប្រាស់គេសោះអត់មានសារភាពបន្តិច បែរជាទម្លាក់កំហុសមក MTV និងប្រជាជនយើងវិញ។ តាមពិត MTV EXIT ធ្លាប់មកស្រុកខ្មែរម្តងហើយគឺធ្លាប់មានបទពិសោធហើយ មានតែ Cellcard ទេដែលមានបទពិសោធរាប់មិនចេះអស់រួចមកហើយពីការដើរបោកគេនេះ នៅមិនកែរខ្លួនទៀត។ សំណាងអាក្រក់ដែល Cellcardដឹងខ្លួនទាន់ក៏លុបចេញវិញជាប្រញ៉ាប់។ ពិតជាគួរឲ្យខ្មាស់គេណាស់!